OKR vs KPI 🤔 🤔 🤔

OKR ба KPI-уудыг гүйцэтгэлийг хэмжихэд хэрэглэх нь

Author

Badamsereejid Ganbat
September 30, 2024

😘 Season 7 №53

  • Mental health

  • Startup News

  • Venture Capital / Investment

  • Startup Deals

  • Around the world

  • Portfolio

😌Өөрийгөө хайрлая / бүтээе😌

Энтрепренеурууд, үүсгэн байгуулагч нар хэрхэн сэтгэцийн эрүүл мэндээ хамгаалах аргуудаас хуваалцаж байна. 

  • Burn-out буюу ажлаас халшрах шинж тэмдэг нь сэтгэл зүйн болон бие махбодын гэж тусад нь тодорхойлж болно. 

  • Сэтгэл санаагаар унах, урам зориг буурах, түгшүүр, сэтгэл гутралтай болох зэрэг шинж тэмдгээр илэрдэг. Хүн бүрд өөр өөрөөр мэдрэгддэг.

  • Стартап үүсгэн байгуулагчдын хувьд компанийн алсын хараа, өдөр тутмын үйл ажиллагаа, хүний нөөц, санхүүгийн удирдлага гэх мэт маш олон ажлуудтай амралтгүйгээр нүүр тулдаг нь тэдгээрийг burn-out болоход аажим аажмаар нөлөөлдөг.

Burn-out зайлсхийх аргууд:

  • Burn-out болсноо хүлээн зөвшөөрөх: Хэрэв танд  хэвийн ачаалал өмнөхөөсөө ихэссэн мэт мэдрэгдэж байгаа, энэ нь удаа дараа давтагдаж буй бол /мөн дээр дурдсан/  1 алхам хойш алхаад өөрийгөө анзаараарай. Өөртэйгөө ярилцаж энэ зүйл яг юунаас болохыг заавал олж мэдээрэй.

  • Аз жаргалыг мэдрүүлэх зүйлсийг хайж олох: Өдөр тутмын амьдралд танд аз жаргал өгдөг зүйлсийг хийхийг оролдож, тэдгээрийг тогтмолжуулах. Спортоор хичээллэх, бясалгал хийх, наранд алхах, дуу сонсох гэх мэт ажлаас түр холдуулах дадлыг өөртөө суулгаарай.

  • Ажлын тохиромжтой хуваарийг олох: Та ямар цагт хамгийн үр бүтээлтэй байгаагаа тодорхойлж, түүний дагуу ажлын хуваарь гаргах. Стартапаа хийгээд 09:00-18:00 цагийн ажлыг орхисон л юм чинь яагаад цагт баригдах ёстой гэж?

  • Сонирхол нэгтэй нэгдэлд /community/ орох : Зовлон нэгтэй, нэг хэлээр ярилцаж асуудал, шийдлийг тодорхойлох нь ажлаас үүсэх стрессийг багахан ч атугай буулгаж “Би ганцаараа биш“ гэх мэдрэмжийг өгнө.

  • Хамтрагчтайгаа хуваалцах: Хэрэв танд хамтран үүсгэн байгуулагч байгаа бол тэдэнтэй өөрийн мэдрэмж, сэтгэгдлээ нуулгүй хуваалцаарай. 

  • Хугацаа хэрэгтэй: Энэ мэдрэмж  нь 1 удаагийн дасгал хөдөлгөөнөөр шийдэгдэх зүйл биш ба шийдвэрлэхийн тулд тодорхой хугацаа хэрэгтэй. Амьдралдаа хэвшүүлэх шинэ зуршлуудыг нэвтрүүлэх шаардлагатай байдаг.

Startup news

OKR ба KPI-уудыг гүйцэтгэлийг хэмжихэд хэрэглэх нь:

OKR гэж юу вэ?

OKR (Зорилго ба Гол Үр Дүн) нь амбицтай зорилгуудыг тавьж түүнд хүрэх явцыг хэмжиж, тодорхойлох арга барил юм.

KPI гэж юу вэ?

KPI (Чухал Үзүүлэлтүүд) нь байгууллага эсвэл тодорхой үйл ажиллагааны амжилтыг хэмжихэд хэрэглэгддэг хэмжүүрүүд юм.

OKR-ийн Давуу Талууд

  • Стратегийн сэтгэлгээ, уялдаа холбоог дэмжинэ.

  • Хариуцлага болон шинэчлэлийн соёлыг бий болгоно.

KPI-ийн Давуу Талууд

  • Байгууллагын гүйцэтгэлийн стандартуудыг тодруулна.

  • Мэдээлэлд суурилсан шийдвэр гаргах боломжийг дэмжинэ.

OKR: Хэрхэн Ашиглах Гарын Авлага

1-р Алхам: Стратегийн зорилгоо ойлгох

2-р Алхам: OKR-ээ Хөгжүүлэх

  • 3-5 амбицтай, хэмжиж болохуйц зорилгуудыг тодорхойлох.

3-р Алхам: Багийн гишүүдтэй харилцах ба түгээх

  • Бүх гишүүдийг оролцуулах нь чухал

4-р Алхам: Мэдээлэл сайн солилцож үр дүнг хэмжих

  • OKR-ийн хэрэгжүүлэх цикл бүрийг байнга хянаж, гүйцэтгэлийг KPI-тай харьцуулан үнэлэх.

KPI: Хэрхэн Ашиглах Гарын Авлага

1-р Алхам: Зорилгоо маш тодорхой нарийн тодорхойлох

  • Танай бизнес эсвэл хувийн амьдралд юунд хүрэхийг зорьж буй зорилгоо ойлгох.

2-р Алхам: Холбогдох KPI-уудыг /хэмжигдэхүүнүүд/ сонгох

  • Таны зорилгод хүрэх үйл явцыг шууд илэрхийлэх үзүүлэлтүүдийг сонгох.

3-р Алхам: Зорилтоо нарийвчлах

  • KPI бүрд, амжилттай байгааг илэрхийлэх тодорхой зорилтуудыг тогтоох.

4-р Алхам: Хянах & Сайжруулах

  • KPI-аа байнга хянаж, зорилготойгоо харьцуулан шалгах.

OKR Жишээнүүд

Бизнес жишээнүүд

  • 90%-ийн хэрэглэгчийн сэтгэл ханамжтай хоёр шинэ бүтээгдэхүүн зах зээлд нэвтрүүлэх.

  • Хэрэглэгчид үйлчилгээний хариу өгөх хугацааг 1 минутаас доош бууруулах.

  • Үйл ажиллагааны зардлыг 30%-аар бууруулах.

Хувь хүнд:

  • 6 сарын дотор 10кг турах.

  • Яаралтай тусламжийн санд $1,000 хадгалах.

  • Сарын зардлаа 20%-аар бууруулах.

KPI Жишээнүүд

Бизнес жишээнүүд

  • Өнгөрсөн сартай харьцуулахад дараах 6н сарын борлуулалтыг 5%-аар нэмэгдүүлэх.

  • Санхүүгийн календарьт жилийн туршид одоогийн хэрэглэгчийн 90%-г хадгалж үлдэх.

  • Дараагийн улиралд бизнес төслийг дуусгах хугацааг 15%-аар бууруулах.

Хувь хүнд:

  • Долоо хоногт 5 цагийн дасгал хийх.

  • 2 салбарын ном унших.

  • Сарын орлогын 20%-ийг хадгалах.

Venture Capital / Investment

Венчер сангийн Хөрөнгө Оруулалт: Exit option буюу хөрөнгө оруулалтаас гарах боломжууд.

Венчер сангаас хөрөнгө оруулалт авсан эсхүл венчер сангийн менежерүүдийн хувьд тухайн бизнесээс хэрхэн гарах талаар ойлголттой байх нь маш чухал. Үүнд:

  • IPO хийх буюу хувьцаагаа олон нийтэд санал болгох 

  • Хувьцаа эсвэл зээлийн эргэн төлөлт хийх, /convertable note-р гэрээ хийсэн үед/

  • Стратегийн хөрөнгө оруулагчдад хувьцаагаа худалдах, 

  • Өөр хөрөнгө оруулалтын санд зарах, 

  • Бусад компаниудтай нэгдэх 

  • Алдагдлаар хаах зэрэг багтана. Энэ нь хөрөнгө оруулагчдын ашгаа авах арга замыг тодорхойлж өгдөг чухал процесс юм.

Startup Deals: /Хэн хаана хэдийг босгов?/

  • Лондон хотод төвтэй Datamaran, ESG шийдвэр гаргалтын платформ нь Morgan Stanley тэргүүтэй Series C шатны 29.5 сая евро-н хөрөнгө оруулалтыг босгожээ.  

  • Энэтхэгт байрладаг ridesharing үйлчилгээний стартап Everest Fleet нь Uber-с 30 сая ам.долларын хөрөнгө оруулалт босголоо.  

  • Сан Франциско хотод байрладаг хиймэл оюун ухаанд суурилсан цаг агаарын урьдчилсан мэдээний платформ Brightband нь Prelude Ventures, CLAI Ventures, Future Back Ventures, Starshot Capital-аас Series A шатны хөрөнгө оруулалтаар 10 сая ам.доллар татлаа.  

  • Лондонд төвтэй эрэгтэйчүүдийн эрүүл мэндийн стартап Manual нь Felix Capital, Cherry Ventures, Octopus Ventures зэрэг хөрөнгө оруулагчаас 29.2 сая фунт стерлинг босгов.

Around the World

Цагийг үр бүтээлтэй зохион байгуулахад туслах янз бүрийн арга техникүүдийг хуваалцаж байна. Эдгээр аргууд нь ажлынхаа даалгавруудыг оновчтой болгох, хойшлуулахгүй байх, бүтээмжээ нэмэгдүүлэхэд хэрэгтэй. 

  • "Мэлхийг түрүүлж ид" арга: Өдрийн хамгийн хэцүү, чухал ажлыг эхэнд нь барьж аваад хийх. 🐸 🐸 🐸 

  • "Помодоро" арга: 25 минут ажиллаж, 5 минутын богино амралт авах циклээр ажиллах нь анхаарал төвлөрөх чадварыг сайжруулдаг. 🍅 🍅 🍅 

  • 2 минутын дүрэм: Хэрэв тухайн  даалгавар 2 минут эсвэл түүнээс бага хугацаанд хийгдэх боломжтой бол шууд хий. ⌛️ ⌛️ ⌛️ 

  • "Айзенхауэрийн /Eisenhower/ матриц": Чухал, чухал биш, яаралтай, яарамгүй байдлаар даалгавруудыг 4 хэсэгт хувааж ангилах: Do Decide Delegate Delete /Хийх, Шийдвэрлэх, Хариуцуулах, Устгах/ 🫡 

  • "Ажиллах аргачлал" (GettingThingsDone): Даалгавруудыг задлан хэд хэдэн алхам болгож хуваан дараалал, ач холбогдлоор нь ангилах. ✅ ✅ ✅ 

  • Ажлыг нэгтгэх: Төстэй ажлуудыг нэгтгэж, нэгдсэн цагт хуваарилж хийх.

  • "Цагийн блокт хуваарилах" арга: Тодорхой цаг хугацааг даалгавар тус бүрд ангилан хэсэг хэсгээр блоклон ангилах. ⌛️ 🧱 

  • "Паркинсоны хууль": Ажиллах хугацаа ихсэх тусам ажил сунжирдаг тул богино хугацаа өгөх нь цаг хэмнэнэ.

    • More time-less effort needed / Less time-more effort needed

  • "Ivy Lee” арга: Өдрийн турш хийх зургаан чухал даалгаврыг жагсааж, ач холбогдлоор нь хийх. 6️⃣ 

  • MITs (хамгийн чухал даалгаврууд): Өдөр бүрийн 3 чухал ажлаа гүйцэтгэхэд анхаарах. 3️⃣ 

  • Паретогийн зарчим (80/20 дүрэм): Үр дүнгийн 80% нь ажлын 20%-аас гардаг тул хамгийн их үр дүнд хүргэдэг ажлуудад анхаарлаа хандуулах.

Portfolio startups:

Ганбанзгүй гал тогоо: Easycook

Тэд өөрсдийн бүтээж буй үнэ цэнтэй бизнестэй нэгдэх дараах 2 ажлын байрыг зарласан юм байна шүү 🧑‍🏭 👩‍🏭 👷‍♀️ 👷‍♂️ 

За ингээд энэ хүртэл уншсан танд баярлалаа. Дараагийн дугаараар уулзацгаая. Peace 🤟

PS, We love you